16.06.2020
15 İyun Milli Qurtuluş günü münasibəti ilə Ağcabədi RMİ Ağcabədi rayon Heydər Əliyev Mərkəzində karantin rejimi qaydalarına əməl edilməklə tədbir keçirilib.15 iyun 2020-ci il tarixdə 08-00-dan 13-00-dək Heydər Əliyev meydanı boyunca Ümummilli Liderimizə həsr olunmuş, eləcə də vətənpərvərlik mövzusunda musiqilər səsləndirilib.Mərkəzin direktoru Məhsəti Musanın təqdimatında “15 İyun-Xilas günümüz” adlı virtual sərgi izləyicilərə təqdim edilib, dünya şöhrətli siyasətçi,müdrik dövlət xadimi və ən əsası böyük Azərbaycanlı Heydər Əliyevin dəhşətli faciələrlə təkbətək qalmış ölkəmizdə şərəflə həyata keçirdiyi xilaskarlıq missiyası haqqında, o cümlədən müxtəlif sahələrdə gördüyü işlər haqqında məlumat verilib. Bundan sonra mərkəzin digər əməkdaşları da Qurtuluş günü ilə bağlı təəssüratlarını bölüşərək,sosial şəbəkədəki izləyiciləri təbrik ediblər. SondaMərkəzin əməkdaşları Fariz Bünyatov və Səbinə Nəsirzadə xüsusi karantin günlərində mərkəzin virtual fəaliyyətində göstərdikləri fəallığa görə və 15 İyun Milli Qurtuluş günü münasibəti ilə Fəxri fərman və hədiyyə ilə təltif olundular.