07 sentyabr 2023-cü il tarixində Qarabağ Regional Mədəniyyət İdarəsi Ağdam rayon Mədəniyyət Mərkəzinin tabeliyində fəaliyyət göstərən Qeyis Əliyev adına  Üçoğlan kənd Mədəniyyət evinin təşkilatçılığı ilə Ağdam rayon Mədəniyyət Mərkəzində Ulu Öndər Heydər Əliyevin 100 illiyinə həsr olunmuş, “Heydər xalq deyəndə, xalq Heydər deyəcək” adlı tədbir keçirilib.

Əvvəlcə Azərbaycan Respublikasının Dövlət Himni səsləndirilib, Ulu Öndər Heydər Əliyevin və ölkəmizin ərazi bütövlüyü uğrunda canlarını qurban vermiş şəhidlərimizin əziz xatirələri bir dəqiqəlik sükutla yad edilib.

Sonra çıxışlar edilərək, Ümummilli Lider Heydər Əliyevin həyatı və siyasi fəaliyyəti haqqında məlumat verilib. Bildirilib ki, xalqımız müstəqil dövlət quruculuğu sahəsində qazanılan müstəsna uğurlarda başlıca imzanın məhz Heydər Əliyevə aid olduğunu heç zaman unutmayıb və unutmayacaq.

Daha sonra Ulu Öndərə həsr olunmuş şeirlər və mahnılar səsləndirilib.