Qarabağ Regional Mədəniyyət İdarəsində Azərbaycan Respublikası Mədəniyyət Nazirliyinin, Elm və Təhsil Nazirliyinin və Heydər Əliyev Mərkəzinin birgə təşkilatçılığı ilə Ulu Öndər Heydər Əliyevin 100 illiyinə həsr olunmuş Uşaq İncəsənət Festivalının növbəti – II mərhələsi start götürüb.  Festival Ağcabədi rayon Yaqub Məmmədov adına  Mədəniyyət Mərkəzində və Ağcabədi rayon Üzeyir Hacıbəyli  adına Qarabağ Muğam Mərkəzində təşkil olunub.

Festivalın bu mərhələsində iştirakçılar piano, klassik simli alətlər, xalq çalğı alətləri və s. nominasiyalar üzrə öz bacarıqlarını nümayiş etdirəcəklər.

7 iyul 2023-cü il tarixində Ağcabədi rayon Yaqub Məmmədov adına  Mədəniyyət Mərkəzində keçirilən növbəti seçim turunda 44 nəfər iştirakçı xalq çalğı alətlərinin müşayiəti ilə müxtəlif mahnılar ifa ediblər.

#QarabağRegionalMədəniyyətİdarəsi#UluÖndərHeydərƏliyev100#Uşaq İncəsənət Festivalı#uifaz