26.02.2019-cu il tarixdə   Ağcabədi Regional Mədəniyyət İdarəsi Ağdam rayon MKS-inin Mərkəzi kitabxanası və Əliağalı kənd Mədəniyyət evi ilə birlikdə Xocalı faciəsinin 27-ci ildönümü ilə əlaqədar “Xocalını unutmadıq, unutdurmarıq” adlı  anım mərasimi keçirildi. Tədbir iştirakçıları Xocalı faciəsi şəhidlərinin xatirəsini  bir dəqiqəlik sükütla  yad etdilər. Sonra tədbiri giriş sözü ilə MKS-in direktoru S. Hüseynova açaraq   bildirdi ki, Xocalı faciəsi iki yüz ilə yaxın bir müddətdə təcavüzkar erməni şovinist-millətçiləri tərəfindən azərbaycanlılara qarşı müntəzəm olaraq həyata keçirilən etnik təmizləmə və soyqrım  siyasətinin davamı və ən qanlı səhifəsidir. Bu qanlı faciədən 27 il ötür. 1992- ci il fevralın 25-dən 26-na keçən gecə Ermənistan silahlı qüvvələri xocalı şəhərinə hücuma keçmiş, bütün beynəlxalq hüquq, o cümlədən beynəlxalq hümanitar hüquq normalarını pozaraq oraya zirehli texnika yeritmiş, şəhərin dinc əhalisinə misli görünməmiş qəddarlıqla divan tutmuşlar.Daha sonra  Əliağalı kənd Mədəniyyət evinin müdiri Hicran Əhmədova,  Metodika və biblioqrafiya şöbəsinin baş biblioqrafı Kəmalə Fərəcova, təşkilatçı  Aynurə Cəfərova  Xocalı faciəsi haqqında çıxış etdilər. Tədbir ədəbi-bədii kompozisiya ilə davam etdirildi.