24.06.2023
25 iyun 2023-cü il tarixində Ağcabədi Regional Mədəniyyət İdarəsi Ağdam rayon Mədəniyyət Mərkəzinin tabeliyində fəaliyyət göstərən Üçoğlan kənd Mədəniyyət evində “26 İyun ̶ Silahlı Qüvvələr Günü” münasibətilə tədbir keçirilib.
Əvvəlcə Azərbaycan Respublikasının Dövlət Himni səsləndirilib, Ulu Öndər Heydər Əliyevin və ölkəmizin ərazi bütövlüyü uğrunda canlarından keçən şəhidlərimizin əziz xatirələri bir dəqiqəlik sükutla yad edilib.
Sonra Vətən müharibəsinin qaziləri çıxış edərək, 44 gün ərzində keçdikləri döyüş yollarından danışıblar. Tədbirin digər iştirakçıları tərəfindən edilən çıxışlarda Azərbaycan ordusunun yaranma tarixi, Ulu Öndər Heydər Əliyevlə Prezident cənab İlham Əliyevin ordumuza ayırdıqları diqqət və ordumuzun Vətən müharibəsində qazandığı şanlı qələbə haqqında danışılıb.
Tədbirin sonunda Alıbəyli kənd orta məktəbin şagirdləri Vətənə aid şeirlər səsləndirib, mahnılar söyləyib və rəqs ediblər.
#AğcabədiRegionalMədəniyyətİdarəsi
#AğdamrayonÜçoğlankəndMədəniyyətevi
#““26 İyun ̶ Silahlı Qüvvələr Günü”