06.06.2023
06 iyun 2023-cü il tarixində Ağcabədi rayon Heydər Əliyev Mərkəzində Ağcabədi Rayon İcra Hakimiyyətinin, Qarabağ Regional Təhsil İdarəsi Ağcabədi Rayon Təhsil sektorunun, Aran Ağcabədi TV-nın, Aran qəzetinin, Gənclər üçün Təhsil Mərkəzi Qarabağ Regional ofisinin, M.Aranlı adına 11 saylı tam orta məktəbin nümayəndələrinin iştirakı ilə “Gələcəyimizi birlikdə düşünək, narkomaniyaya “Yox” deyək!” mövzusunda dəyirmi masa keçilib.
Tədbir zamanı narkomaniyanın zərərlərindən, insan sağlamlığı üçün təhlükələrindən, eləcə də narkotik vasitələrə yaranan asılılıqdan və ölkəmizdə narkomanlığa qarşı aparılan mübarizədən danışılıb. Qeyd olunub ki, narkotik vasitələrdən istifadə edən hər bir şəxs uğurlu gələcəyindən imtina etməklə, cəmiyyətdə həmişə geridə qalır və aludəçiliyin, zərərli təsirlərin fəsadlarından qurtula bilmir.