25 may 2023-cü il tarixində Ağcabədi Rayon İcra Hakimiyyətinin, Ağcabədi Rayon Heydər Əliyev Mərkəzinin, Ağcabədi Rayon Gənclər və İdman İdarəsinin və Ağcabədi Pedoqoji  Kollecinin birgə təşkilatçılığı ilə Ağcabədi Pedoqoji  Kollecində 28 May - Müstəqilik Günü ilə əlaqədar tədbir keçirilib.

Əvvəlcə Ümummilli Lider Heydər Əliyevin xatirəsi yad edilərək, büstü önünə gül dəstələri düzülüb.

Tədbir zamanı Azərbaycan Respublikasının Dövlət Himni səsləndirilib və AXC-nin yaradıcılarının əziz xatirəsi bir dəqiqəlik sükutla yad edilib.

 Sonra çıxışlar edilərək,  AXC-nin Azərbaycan tarixindəki rolu haqqında fikirlər səsləndirilib. Qeyd edilib ki, dövlətimizin başçısının Azərbaycan Xalq Cümhuriyyətinin 100 illik yubileyi haqqında Sərəncam imzalaması, 2018-ci ili ölkəmizdə “Azərbaycan Xalq Cümhuriyyəti İli” elan etməsi onun milli dövlətçilik tariximizə diqqət və qayğısının göstəricisidir.