24 may 2023-cü il tarixində Ağcabədi Regional Mədəniyyət İdarəsi  Ağcabədi rayon Hacıbədəlli kənd uşaq musiqi məktəbinin müəllim və şagird kollektivinin iştirakı ilə  28 May – Müstəqillik Gününə həsr edilmiş  bayram tədbiri keçirilib.

Əvvəlcə  Azərbaycan Respublikasının Dövlət Himni  səsləndirilib, şəhidlərimizin ruhu  bir dəqiqəlik sükutla yad edilib.

Sonra çıxışlar edilib və Azərbaycan Demokratik Respublikasının yaranma tarixi haqqında məlumat verilib.

Daha sonra məktəbin müəllim və şagirdlərinin ifasında  mahnılar və dövlətçiliyimizə aid şeirlər səsləndirilib, “Turacı” rəqs qrupunun üzvləri tərəfindən  rəqslər nümayiş etdirilib.